Sunday, December 18, 2011

വാടാമലരുകള്‍ ...!!


തെരുവോരത്തും വാടാമലരുകള്‍
സേവന പാതകളില്‍ ...
പെരുമഴയത്തും കാണാം പുലരികള്‍
ജീവിത  യാത്രകളില്‍ .....!!!
ഉണരാം ... ഉയരാം .... മനസ്സുകളേ ...
ഒന്നായ്  അണി ചേരാം ...
നാടിന്‍ മാറില്‍ ചാര്‍ത്താനായ്
കോര്‍ക്കാം കുസുമങ്ങള്‍ ....!!
സ്വാതന്ത്ര്യത്തിന്‍ പറവകളായ്
വാനോളം ഉയരാം...
നെഞ്ചില്‍ നിറയും ജ്വാലയുമായ് ...
സൂര്യനെ വരവേല്‍ക്കാം ....
ഒഴുക്കിനെതിരെ തുഴഞ്ഞു നീങ്ങാന്‍ ‍ ...
കരുത്തു നല്‍കിയ പൂര്‍വികരെ ,
സ്വാതന്ത്ര്യത്തിന്‍  പൊന്പുലരിക്കായ്‌ ...
 ജീവന്‍  നല്‍കിയ സോദരരേ ....
സ്വപ്നം കൊണ്ടൊരു സ്വര്‍ഗ്ഗം പണിയും ..
നവഭാരതത്തിന്‍  ശില്പികളേ .... 
മരുഭൂമികളില്‍ പനിനീര്‍മഴയായ് ...
അറിവുകള്‍ പകരും ഗുരുക്കളേ ....
we salute ... we salute ...

ഉണരാം ... ഉയരാം .... മനസ്സുകളേ ...
ഒന്നിച്ചണി ചേരാം ....
നാടിന്‍ മാറില്‍ ചാര്‍ത്തീടാന്‍
കോര്‍ക്കാം കുസുമങ്ങള്‍ ....!!



(വൊക്കേഷണല്‍ ഹയ്യര്‍സെക്കന്ററിസ്കൂള്‍ , നാഷണല്‍ സര്‍വീസ് സ്ക്കീം തൊഴില്‍ നൈപുണി യജ്ഞം-2020 ന്റെ തീംസോംങ്ങ് . മുന്‍ രാഷ്ട്രപതി ഡോ.എ.പി.ജെ .അബ്ദുള്‍ കലാമിന് നല്‍കി കേന്ദ്ര മന്ത്രി  കെ.വി.തോമസ്‌  പ്രകാശനം നിര്‍വഹിച്ച ദീപക് മാഷിന്റെ ഈണത്തില്‍ ഞാന്‍ എഴുതിയ ഗാനത്തിന്റെ വരികള്‍ ആലാപനം : അനില്‍ റാം)


Wednesday, December 14, 2011

വാഴപ്പഴത്തിന്റെ രുചി .... !




മൂത്ത് പഴുക്കും മുന്‍പേ ,
അതിന്റെ തേന്‍ നുകര്‍ന്ന അച്ഛനെയും ,
അതിന്റെ  ചവര്‍പ്പ് കലര്‍ന്ന രുചിയറിഞ്ഞ
സഹോദരന്മാരെയും സാക്ഷി നിര്‍ത്തി ,
ചന്തയില്‍ വച്ച് ഒരു അമ്മ ....
ഇടറിയ ശബ്ദത്തില്‍ വിളിച്ചു പറയുന്നത് കേട്ടു ....!!
" ഏയ് , ഇത് ഒന്ന് രുചിച്ചു നോക്കൂന്നേ ...
ഇത് നല്ല ചേലുള്ള വാഴക്കുല ...!
എന്റെ മാറിലെ ചൂടും പാലും നല്‍കി ...
എന്റെ വീടിന്റെ മുറ്റത്ത്‌ ,
ഞാന്‍ വളര്‍ത്തിയ വാഴക്കുല ...!!
ഇതിന്റെ മധുരം ഒന്നറിയേണ്ടേ ...?
ഇതിന്റെ വില ....!!!









( കടപ്പാട് : സ്റ്റാഫ്‌ റൂമിലെ  സൗഹൃദസംഭാഷണത്തില്‍
ഈ ചിന്ത പകര്‍ന്നു  തന്ന  ആത്മസുഹൃത്ത്‌ ജെയ് മോന്  ..)

ഇത് എന്റെ ഗാനം .. എന്റെ നാടിന്റെ ഗാനം ...!