ഇത് നിന്റെ പ്രിയ സഖാവിന്റെ അപേക്ഷ ,
സഖീ നീ എന്നോട് പൊറുക്കുക ...!!
അങ്ങകലെ എങ്ങോ ഉള്ള ...
ഒരു ചുവന്ന ചക്രവാളം മാത്രം സ്വപ്നം കാണുന്ന
നിന്റെ ഈ സഖാവിനോട് പൊറുക്കുക ..
നിനക്ക് ഞാന് സമ്മാനിക്കുമായിരുന്ന
ആ ചുവന്നവളകളുടെ ഓര്മ്മകള് നീ മറക്കുക ..
ജീവിതത്തിലെ ഏക സ്വകാര്യ സ്വപ്നം
ആ കുപ്പിവളകള്പോല് പൊട്ടിച്ചിതറിയപ്പോള്
അറിയാതെ ചിന്നിയ ചോരയുടെ നിറം നിന് നെഞ്ചിലേറ്റി
ആ കറ നീ മറക്കുക ... !
സഖീ നീ പൊറുക്കുക , ഈ ഏകാന്ത പഥികനോട് .. !!
ഇന്നും ചുവക്കാതെ താഴ്ന്നിറങ്ങി പോയ
ആ സൂര്യനെ നോക്കി നില്ക്കുമ്പോള് ,
സഖീ നീ അറിയുക ,
ആ നിഴല് എന്റെ ജീവിതത്തിന്റെ നിഴലല്ലെന്ന് ...
ആ നിഴല് നിന്റെതല്ലെന്ന് ....!
നിന്നെയാണെനിക്ക് നേടേണ്ടിയിരുന്നതെങ്കില് ,
കാലഘടികാരത്തിന്റെ തുരുമ്പിച്ച സൂചികള്
ഒരല്പം കൂടി സമയം എനിക്ക് തരുമായിരുന്നു ..!!!